Tipsnye ada 10 buat ngejage daya tahan tubuh kite.

Assalamu'alaikum,kite ketemu lagi nih ane akan sedikit memberikan tips nyang ente tau kalo kesehatan itu penting banget dan pasti kepengen dong bisa hidup sehat,pan kalo kite sehat mau ngapain aje kite bisa ya engga,tapi tetep kite gak boleh lupa ama nyang namanye bersyukur betul kaga,okelah kite mulain nih ye,
nah kite kan sering nih beraktifitas ye,ade nyang berangkat pagi pulang malem,ade nyang kerja ampe larut malem nah pastinye kite butuhn yang namanye daya tahan tubuh,nah ini die tips gimane menjaga daya tahan tubuh,dibaca ye...

Matiin lampu pas mau tidur bisa juga ngejaga daya tahan tubuh kenape,karena ada nyang namanye hormon melatonin nyang pengaruh ke daya tahan tubuh kite,begitu udeh mati tuh lampu kekebalan tubuh kite mulai berproduksi begitu kite mulai matiin lampu saat mau tidur.
Nah nyang ini nih,makan buah-buahan atau vitamin tujuannye buat jaga daya tahan tubuh kite biar bisa selalu terjaga,tapi pesen ane jangan kebanyakan buah-buahan saat menjelang tidur bisa-bisa bukan ketempat tidur malah kekamar mandi,hehehe bercande noh.
Hindari deh makanan nyang bisa nurunin daya tahan tubuh kite seperti daging merah,gula,susu berkadar lemak tinggi dan margarin,buat lebih jelasnye kenapa makanan tersebut bisa nyebabin turunnye daya tahan tubuh nanti kite bahas lagi ye,sabar...
Tidurlah nyang cukup tiap hari soalnye penting banget buat jaga daya tahan tubuh kite ye minimal 7 sampe 8 jam setiap malem.
Tetep berfikir posititif meskipun kite cape dan banyak fikiran sesekali perlu di fikiran mungkin ngatur jadwal atau sebagainya kalo udah ya kita simpen dulu.
Makanan juga perlu di jage,pastiin kalo makanan itu higienis dan udah di cuci sebelum dimasak,begitu makan juga porsinye jangan kebanyakan secukupnye aje.
Makan makanan nyang banyak seratnye kaya Wortel,Apel atau kacang-kacangan karena makanan tersebut bisa menjaga dari serangan bakteri
Olah raga penting banget karena selain membakar lemak juga terdapat vitamin D saat kita berjemur di bawah matahari.
Nah nyang ini nih kite pasti semua suka,dengerin musik kesukaan kite ternyata bisa membantu menjaga daya tahan tubuh juga lho.
Nyang terakhir Tersenyumlah karena dengan tersenyum itu bisa meningkatkan daya tahan tubuh kite,tapi jangan senyum disembarang tempat ye,hehehe...

Nah itu die 10 tips menjaga daya tahan tubuh agar tetap bugar dan sehat,karena didalem tubuh yang sehat terdapat jiwa yang kuat.
semoga juga bisa berguna dan bermanfaat buat kite semua.
(Dari berbagai sumber yang terpercaya)
Kite jumpa lagi di tips-tips berikutnye ye,Wassalam.. ARTIKEL TERKAIT :